ⓚⓞⓡⓡⓔⓢ°

Hungariako kultura gastronomikoa ezagutzeko aukera eman du Donostiako Gastronomikak, hango sei sukaldariren bidez. Beste jatorri batzuetako sukaldariak ere aritu dira euren produktuak erakusten. Guztiek tradizioa eta modernitatea uztartzeko ahalegina eta beharra erakutsi dute. Street Food merkatua jarri zuten Kursaal kanpoaldean, Hungariako eta Turkiako produktuekin. JON URBE / ARGAZKI PRESS 2016-10-05 / Julen Aperribai, BERRIA J anariarekiko kuriositatea usaimenarekin, eta gutxi batzuek dastamenarekin, asebete zuten atzo goizean Donostiako Kursaalean egunotan egiten ari diren Gastronomika kongresura joan zirenek. Bertara gonbidatutako herrialdeetako bat da Hungaria, eta hango kultura gastronomikoa gertutik ezagutzeko aukera egon zen atzokoan. Errezeta tradizionalak oinarri zituztela, izan gaziak zein gozoak, modernitatearekin uztartu zituzten herrialde horretako izen handiko sukaldariek, eta publiko aurrean zuzenean erakutsi.